今朝凌晨5點，就俾一聲又一聲，好沈鬱既「嗚嗚」聲吵醒。我以為係屋企電器出咗問題，落廚房，客廳，車房睇過晒，都冇發現任何問題，於是返上樓想再瞓。
點知，一上到樓，又聽到「嗚嗚」聲。今次打開窗簾，望下外面發生乜事。咦？白濛濛一片，乜都睇唔到喎。睇下天氣報告，唔，今朝天氣：濃霧。我又返上床試下再瞓。 但啲「嗚嗚」都仲係繼續，一直「嗚」到早上八點半先至停。
尋晚因為啲白癡無聊人凌晨2 點鐘仲喺度放煙花，搞到我差唔多3點鐘先至有得瞓。凌晨5點鐘，又俾啲「嗚嗚」聲吵醒。我就算好「有心睡眠」，都只係瞓得果2粒鐘。
各位網友，知唔知濃霧同「嗚嗚」聲有乜關係呢？😵💫😭 #濃霧 #大霧 #冇覺好瞓